उखु अभावले सुगर मिल बन्द हुने अवस्थामा , किसानले कटानी पुर्जा समयमा नपाउँदा खेतमै उखु सर्नाथाल्योक

तबरेज आलमसुनसरी । सुनसरीको चिमडी ४ मा रहेको पुर्वान्चलको एक मात्र ईस्टर्न सुगर मिल उखु अभावका कारण दिनहुँ मिल बन्द रहने गरेको छ भने यता किसानहरुले उखु कटानीको लागि समयमा पुर्जा नपाएको गुनासो गरेका छन् । अधिकांशले कटानी पुर्जा पाएपनि २ महिना ढिलो गरि पाएको तथा अधिकांश किसान कटानी पुर्जा नपाउदा प्रत्यक्ष मारमा परेका छन् । उखु अभावका कारण मिल दिनहुँ बन्द रहने गरेको र किसानहरुलाई समयमा कटानी पुर्जी नदिदा किसानहरु कटानी पुर्जी पाउन मरिहत्ते गर्ने गरेको र समयमा उखु कटानी नहुँदा उखुबालीमा विभिन्न रोग लाग्न थालेको किसानहरुले गुनासो गरेका छन् । यसरी ईस्टर्न सुगर मिल चिमडीले उखु बाली कटानी पुर्जा समयमा नदिदा सुनसरीको अमाहीबेल्हा, राजगंज बेलगछिया, घुस्की, रामनगर भुटाहा, मधुवन, भोक्राहा, नरसिंग, बसन्तपुर, देवानगंज, कप्तानगंज, साहेबगंज, हरिनगरा लगायत छिमेकी जिल्ला मोरगं, सप्तरी, सिराहा, झापा लगायतका उखु किसानहरु प्रभावित भएका छन् । यता किसानहरुले बढ्दो महँगी अनुसार आफुहरुको उखुमा समेत मुल्यभाव बढाउनुपर्ने झन् घटाएको प्रति चिन्ता ब्यक्त गर्दै मिलको यस्तै रवैया रहे आफुँहरु अगामिवर्ष देखि उखु खेति नगर्ने सुनसरी बसन्तपुर गाविसका किसान सज्जाद अन्सारीले गुनासो गर्नुभयो । वहाँले अगाडि थप्डै सुगरमिलमा कर्मचारीको मनपरी र घुसखोरी बढेको आरोप समेत लगाउनुभयो । सुगरमिलका कर्मचारीहरु कमिसनको लोभमा ठूला किसानहरुलाई कटानी पुर्जी दिने र ग्रहयता दिने प्रचलनले गर्दा कम जग्गामा उखु खेति लगाएका किसानहरु त्यसको चपेटामा पर्ने गरेको समेत गुनासो गर्नुभयो । त्यस्तै सुनसरी भोक्राहाका किसान मोहम्मद अन्सारीले समेत आफुहरु उखु खेति लगाएपछि बर्वादै हुने अवस्थामा पुगेको गुनासो गर्नुभएको छ । वहाँले आफ्नै शब्दमा भन्नुभयो करेसाबाली, धानखेति र गहुँ खेतिबाट प्रशस्तै आम्दानी आउथ्यो, उखुखेतिमा राम्रो आम्दानी आउँछ कि भनेर उुखु लगाए चौपटै ग¥यो, लगाएको रकम पनि खेर जाने स्थितिमा पुग्यो । वहाँले अब ईस्टर्न सुगर मिलको यस्तै रवैया रहे र उखुको भाव नबढ् र साना किसानहरुले ग्रहयता नपाए आउनेवर्षदेखि खेति नगर्ने चेतावनी दिनुभएको छ । वास्तवमा हेर्ने हो भने पुर्वान्चलको एक मात्र उखु मिलको अवस्था अहिले बिचित्र बन्दै गईरहेको छ । किसानहरु जुनमात्रामा उखु खेति तर्फ आकर्षित हुदैँ आईरहेको थियो त्यहीमात्रामा किसानहरु उखुखेति छाड्दै अन्य खेति तर्फ आकर्षित हुन थालेको किसानहरुको भनाई रहेको छ ।

जिल्ला अस्पतालमा डाकटर अभावले भिडियो एक्सरे सेवा वन्द

प्रमोद यादब
ईनरुवा । जिल्ला अस्पताल सुनसरी इनरुवामा डाक्टरको अभावले भिडियो एक्सरे सेवा दुई दिन यता देखी वन्द भएको छ । सुनसरी जिल्ला स्वास्थ्य कार्यालयको प्रमुख तथा जिल्ला अस्पताल सुनसरीमा कार्यरत्त डाक्टर दयाशंकरलाल कर्णको सरुवा भएकाले भिडियो एक्सरे सेवा दुई दिनदेखी वन्द भएको जिल्ला अस्पताल सुनसरीले जनाएको छ । एक मात्रै डाकटर अस्पतालमा भिडियो एक्सरे सेवामा दक्ष भएको डाक्टर दयाशंकरलाल कर्णको सरुवा भएकाले भिडियो एक्सरे सेवा वन्द हुदाँ सोवाग्रही सुनसरीका गा्रमिण क्षेत्रका विरामीहरु मारमा परेका छन् । दुई दिनदेखी एक्सरे सेवा वन्द भएकोले सेवाग्राही वाहिर महगोमा सेवा लिन वाध्य भएका छन् । अर्को डाक्टरको व्यवस्था नगरी एकाएक डा.कर्णको सरुवा भएकाले भिडियो एक्सरे सेवा दुई दिनदेखी वन्द भएको अस्पताल ब्यवस्थापन समितीले जनाएको छ ।

विधालयको खाता फुकुवा गर्न लागेको भन्दै पुर्व प्रअद्धारा कागजपत्र च्यातियो ,

देवकृष्ण यादव , सुनसरी
फागुन १३ गते । सुनसरीको मध्यहर्साही गावीस् ४ स्थित रहेको पशुपती शिक्षा मन्दिर गुरुकुल सार्वजनीक प्राथमीक विधालयको वन्द खाता खोल्न तथा फुकुवा गर्न शिक्षा कार्यालय सिफारीस गर्दा विधालयका पुर्व प्रधनाध्यापकले कागजपत्र च्यातिएको छ ।आफुलाई विधालयले विना कारण प्रधानाध्यापकवाट हटाएको भन्दैं मन्नु मेहताले विना विज्ञापन स्थानीय श्यामदेव मेहतालाई प्रअ वनाएको र उन्ले अनियमिनतता गरेको आरोप लागाउदैं खाता रोकेको र शुक्रवार फुकुवा गर्न लाग्दा जिल्ला शिक्षा अधिकारीको हातवाटैं कागजार लिएर च्यातीदिएको हो । कावार्हीमा रहेको श्यामदेवको कागजारको अनुंसधान पछि शिक्षा कार्यालयले खाता फुकुवा गर्न लाग्दा जिल्ला शिक्षा अधिकारी हरीप्रसाद वस्तीको हातवाटैं कागजार लिएर च्यातीदिएको मन्नु मेहताले वताउनुभयो ।मन्नु मेहताले शिक्षाको निणर्य चित नवुझेको भन्दैं कागजार च्याएको जानकारी दिनुभयो । यता सुनसरीका जिल्ला शिक्षा अधिकारी हरीप्रसाद वस्तीको हातवाटैं कागजार लिएर च्यातीदिएको कुरा पुष्टि गर्नु हुदैं मन्नु मेहतालाई पटक पटक सम्र्पक गर्दा नआएको र विगतमा अनियमितता गरेको स्थानीयले आरोप लगाउदैं हटाएको वताउनुभयो । अधिकारी वस्तिले मन्नु विभिन्न ठाउमा उजुरी गरेकोले स्रोत व्याक्ती सोमराज ढकालको संयोजक्तवमा एक समिति गठन गरी अनुशंधान गर्दा समेत कुनै तथ्य नभेटिकाले खाता फुकुवा गर्न लागेको जानकारी दिनुभयो । विधालयको विवादमा कागज च्याएतेको भन्दैं कार्वाही गर्ने अधिकारी वस्तिले वताउनुभयो ।सो विधालयमा ५ शिक्षक र ३०१ जना विधार्थी रहेका छन् ।

टेलिफोनबाट तलाक,घर नछाडेको भन्दै बुहारीलाई ज्यानसम्म लिने धम्की

पूर्ण बीके



तनहुँ, फाल्गुन ५ - वैदेशिक रोजगारीमा रहेका छोराले टेलिफोनबाट तलाक दिए पनि घर नछाडेको भन्दै एक मुस्लिम परिवारले बुहारीलाई ज्यानसम्म लिने धम्की दिएको छ । खाडी मुलुक दुबईमा रहेका मुबारक अली मियाँले फोनमार्फत तलाक दिए पनि घर नछोडेको भन्दै ससुरा इमाम -धर्मगुरु) शशिउल्ला मियाँले बुहारी सलमालाई पटकपटक धम्की दिदै आएका हुन् । दुलेगौंडा, ८ मुस्लिम बस्तीका ससुरा शशिीअलीले घर नछाडे ज्यानैसमेत लिने धम्की दिएको सलमाले बताइन् । शशिअली एमाले सभासद हसिना वेगमका देबर हुन । मुवारकले बिहीबार सलमासँग तलाक भन्दै सम्बन्ध सकिएको फोनमा भनेका थिए । 'सासू-ससुराले तेरो श्रीमान्ले तलाक दिएपछि हामीले के गर्न सक्छौं भनेर तथानाम गाली गर्नुहुन्छ' सलमाले भनिन्, 'जाने पो कहाँ ? तलाक दिएकै हो भने मलाई अधिकार पनि चाहियो ।' १२ र ३ वषर्ीया दुई छोरी रहेकाले घर छाडेर जान नसकेको उनले बताइन । सलमाले दुई वर्षपहिले ससुराले आफूमाथि हातपात गरेकोले अझै सुरक्षित हुन नसकेको गुनासो गरिन् । शशिअलीले बिहीबार केही छिमेकीलाई बोलाएर छोरालाई फोन गरी तलाक बोल्न लगाएको सलमाले बताइन् । 'तेरो श्रीमान्को फोन आएको छ कुरा गर् भनेर मलाई दिइयो' सासू-ससुरासँगै बस्दै आएकी उनले भनिन्, 'श्रीमान्ले एकैचोटि तलाक दिन्छु भन्नुभयो । दुई तलाकभन्दा फोनै फालिदिएँ ।' आफू साक्षरमात्रै भएकोले पटकपटक सासू-ससुराले पढेलेखेकी बुहारी भित्र्याउनुपर्छ भन्दै छोरालाई भन्ने गरेको पनि सलमाले बताइन् । स्याङ्जा माइती भएकी उनको २०५६ मा प्रेम विवाह भएको थियो । पहिला श्रीमान्ले आफूलाई माया गरे पनि बाबुआमाको कुरा सुनेर तीन वर्षयतादेखि बोल्न छाडेको सलमाले बताइन् । 'विदेशबाट बिदामा घर आउँदासमेत नबोल्ने गरे पनि तलाक दिनेसम्मको निर्णय गर्नुहोला भन्ने सोचेकी थिइन्', उनले भनिन्, 'एकैचोटि तलाक दिएपछि अन्योलमा परेकी छु ।'उनले आफ्नो हकअधिकारको लागि आवाज उठाइदिन नागरिक समाज र पत्रकारलाई आग्रह गरेकी छन् । शशिअलीले छोराले फोन गरेर बुहारीलाई तलाक दिएपछि आफूले केही गर्न नसक्ने बताए ।

निवर्तमान मन्त्री युवती लिएर बेपत्ता

मकर श्रेष्ठ
काठमाडौ, फाल्गुन ५ - एकपल्ट सत्तासीन भइसकेपछि मन्त्रीहरू प्रायः खाईपाई आएको सेवा सुविधा छाड्न सक्दैनन् । तर निवर्तमान मन्त्री रवीन्द्र श्रेष्ठले पद छाडेलगत्तै गाडी छाडे, क्वार्टर छाडे र अन्य सबै सुविधा छाडे । अनि परिवारसमेत छाडेर बेपत्ता भए, एक कार्यकर्ता युवती लिएर ! भक्तपुरको घर छाडेर १७ वषर्ीया छोरी र श्रीमती लक्ष्मीका साथ डिल्लीबजार पीपलबोटमा बस्दै आएका उमेरले पचास पुग्न लागेका श्रेष्ठ आफ्नो आधा उमेरभन्दा कान्छी कार्यकर्ता लिएर सोमबार भागेका हुन् । भागेको भोलिपल्टै दोस्रो बिहे गरी श्रेष्ठले ती युवतीलाई श्रीमती बनाएको स्रोतले बतायो । न फोन उठ्ने, न मान्छे नै र्फकने ! कति दिन कुर्ने ? चार दिनसम्म बाटो हेर्दा पनि केही नलागेपछि श्रीमती लक्ष्मी र स्वकीय सचिव वचन देउजाले एमाले पार्टी कार्यालय बल्खुमा निवेदन हाले, 'रवीन्द्र श्रेष्ठ हराए, खोजिपाउँ ।'बल्खु स्रोत भन्छ, 'श्रेष्ठ हराएको जानकारी प्रधानमन्त्री झलनाथ खनाल र गृह प्रशासनलाई समेत गराइएको छ ।' तर गृह प्रवक्ता जयमुकुन्द खनालले यसबारे आफूलाई जानकारी नगराइएको बताए । स्वकीय सचिव वचन देउजाले श्रेष्ठले मन्त्री हुँदा प्रयोग गरेका क्वार्टर र गाडी शुक्रबार सम्बन्धित निकायमा बुझाएका छन् ।एमाले पोलिटब्युरो सदस्यसमेत रहेका श्रेष्ठ धादिङ घर भई काठमाडांैको एक कलेजमा अंग्रेजीमा स्नातकोत्तर गर्दै गरेकी युवतीसँग बेपत्ता भएका हुन् । परिवार र पार्टी नेता कार्यकर्ताको सम्पर्कमा नआएका श्रेष्ठले मंगलबार ती युवतीसँग बिहे गरेको स्रोतको दाबी छ । मन्त्रीपदमा रहँदा श्रेष्ठ अखिलका ती छात्रा कार्यकर्तासँग भेटघाटका लागि रेस्टुराँ जाने गर्थे । 'साधारण कामका लागि भेट्नु पर्दा पनि रेस्टुराँ बोलाउँथे, कुरा यस्तो पो रहेछ,' अनेरास्ववियु सम्बद्ध स्रोतले भन्यो । माओवादीबाट एमाले प्रवेशलगत्तै केन्द्रीय कमिटी सदस्य बनेका श्रेष्ठले विद्यार्थी इन्चार्जको जिम्मेवारी पनि पाएका थिए । माओवादी 'जनयुद्ध' का बेला उपत्यकामा निकै शक्तिशाली रहेका श्रेष्ठ अध्यक्ष पुष्पकमल दाहालसँग विवाद बढेपछि पार्टीबाट बाहिरिएका थिए । माओवादी छाडेर छुट्टै क्रान्तिकारी सांस्कृतिक समूह बनाएका श्रेष्ठ त्यतिखेर माओवादीले 'जनयुद्ध' छाडेर गल्ती गरेको बताउँथे । तर लगत्तै उनी बहुलवादी प्रतिस्पर्धालाई सिद्धान्त मान्ने दल एमालेमा प्रवेश गरे । माओवादीबाट आएकालाई पार्टीमा महत्त्वपूर्ण जिम्मेवारी दिने एमाले नीतिअन्तर्गत उनी पोलिटब्युरो सदस्य र मन्त्री भए । सामान्य प्रशासनमन्त्री रहँदै ती युवतीसँग हिमचिम बढाएका श्रेष्ठले पदमुक्त भएलगत्तै प्रेम विवाह गरी भाग्ने तयारी गरेको स्रोतको दाबी छ । 'नयाँ प्रधानमन्त्रीले शपथ लिएको भोलिपल्टदेखि उहाँले फोन उठाउन छाड्नुभयो,' उनका एक निकटवर्तीले भने, 'त्यसको भोलिपल्टै विवाह गरेको भन्ने सुनेका हौं ।' 'सोमबारदेखि सम्पर्कविहीन बनेका श्रेष्ठको त्यसअघि घरमा सामान्य विवाद भएको थियो,' स्रोतले भन्यो, '२४ गते ११ बजेदेखि परिवारको सम्पर्कमा हुनुहुन्न । कहाँ जानुभयो ? के गर्नुभयो ? थाहा छैन ।'

३४ औं प्रधानमन्त्री एमाले अध्यक्ष झलनाथ खनाल निर्वाचित

पिक–अप संबाददाताकाठमाडौं, २० माघ -नेपालको ३४ औं प्रधानमन्त्री एमाले अध्यक्ष झलनाथ खनाल निर्वाचित भएका छन् । संसदको ठूलो दल माओवादीसहित अधिकांश बामपन्थी दलको समर्थनमा खनाल लोकतान्त्रिक गणतन्त्रको तेस्रो प्रधानमन्त्री निर्वाचित भएका हुन् । निर्वाचनमा खनालले ३६८ मत पाए । उनका प्रतिद्वन्द्वी कांग्रेस संसदीय दलका नेता रामचन्द्र पौडेलले १२२ र मधेसी जनअधिकार फोरम लोकतान्त्रिकका अध्यक्ष विजयकुमार गच्छदारले ६७ मत पाए । खनाललाई माओवादीसहित, नेकपा माले, माले-समाजवादी, नेकपा एकीकृतलगायत दलको समर्थन थियो । ६१ वर्षिय खनाल एमालेका तर्फबाट प्रधानमन्त्री हुने तेस्रो नेता हुन् । यसअघि तत्कालिन एमाले अध्यक्ष मनमोहन अधिकारी ०५१ सालमा र एमाले बरिष्ठ नेता माधवकुमार नेपाल ०६६ जेठ ९ गते प्रधानमन्त्री भएका थिए । यस्ता छन् खनाल एमाले अध्यक्ष झलनाथ खनालले दोस्रो प्रयासमा मुलुकको कार्यकारी पद प्रधानमन्त्री प्राप्त गरेका हुन् । उनले प्रधानमन्त्रीको पहिलो निर्वाचनमा उम्मेदवारी दिएका थिए । माओवादीले त्यसैबेला आफु नभएपछि माओवादीले समर्थन गर्ने भएपनि आफ्नै पार्टी भित्रको धोकाका कारण पछि हट्नु परेको थियो । पार्टी भित्रै प्रधानमन्त्री माधवकुमार नेपाल र नेता केपी ओलीको दवावमा पार्टीले दुई तिहाइ बहुमत पुगेको अबस्थामा मात्र प्रधानमन्त्रीको उम्मेदवारी कायम रहने गरी उम्मेदवार बनाएकाले उनले फिर्ता लिनु परेको थियो । बुटवल महाधिवेशनमा अध्यक्ष बनेपनि पार्टीभित्र उनीसंगै अध्यक्षमा पराजित ओली र प्रधानमन्त्री नेपालसंग उनको द्वन्द छ । यही द्वन्दमा दह्रो ढंगले उभिन नसकेको भन्दै उनको अलोचनासमेत हुने गरेको छ । तर, पछिल्लो चरणमा उनका बिरोधीहरुले आफु प्रधानमन्त्री हुनका लागि आफ्ने पार्टीका प्रधानमन्त्रीको बिरुद्ध लागेको भनेर अलोचना गर्छन् ।तर,उनी आफे भने राष्ट्रिय सहमतिको लागि त्याग गर्नु पर्ने बताउँदै आएका छन् । उनी अहिलेसम्म दुई पटक मन्त्री बनेका छन् । एक पटक पार्टीको कार्यवाहक महासचिव र एक पटक महासचिव भएका छन् । वि‌‌सं‌ २०४७ सालको निर्वाचनदेखि नै उनी साँसद रहँदै आएका छन् । २०४६ सालको जनआन्दोलन सफलतापछि बनेको अन्तरिम सरकारमा उनी कृषी, भूमी सुधार र बन तथा वातावरण मन्त्री थिए । त्यसैगरी २०५४ सालको गठबन्धन सरकारमा उनी सूचना तथा सञ्चार मन्त्री रहेका थिए ।झलनाथ खनालको जन्म बिस २००६ साल चैत ३ गते इलामको साँखेजुङमा भएको हो । पिता पुङ्कनाथ र माता मधुमाता खनालको कोखबाट खनाल सातौं सन्तानकोरुपमा जन्मिएका हुन् । खनाल विद्यार्थी जीवनदेखि नै भूमिगत कम्युनिष्ट राजनीतिमा सक्रिय थिए । २०२५ सालतिरै कम्युनिस्ट पार्टीको सदस्य बनेका उनी झापा विद्रोहमा लागेका युवाले बनाएको कम्युनिस्ट कोअर्डिनेसन केन्द्र (कोके) को संस्थापकमध्ये एक थिए । ०३५ मा स्थापित तत्कालीन नेकपा मालेको आन्तरिक शक्ति संघर्षको उत्कर्षले उनलाई पहिलोपटक पार्टीको प्रमुख बनायो । ०३९ मा तत्कालीन महासचिव सीपी मैनालीलाई ‘अपदस्थ’ गरेपछि उनी त्यो पदमा पुगेका थिए । ०४६ को चौथो महाधिवेशनसम्म उनले मालेको नेतृत्व गरे । त्यसपश्चात् उनलाई पार्टीको नीतिगत क्षेत्रमा हावी हुँदै गरेका युवा नेता मदन भण्डारीले उछिने । महाधिवेशनबाट विचार र संगठन दुवैको औपचारिक नेतृत्व भण्डारीले लिए । यद्यपि ०४६ सालपछि गठित अन्तरिम सरकारमा भने खनालले पार्टीको प्रतिनिधित्व गरे ।०४९ को बहुचर्चित पाँचौं महाधिवेशनमा भण्डारीको ‘जनताको बहुदलीय जनवाद (जबज)’ विरुद्ध खनाल मैनालीको ‘परिमार्जित नौलो जनवाद’ का पक्षमा उभिए । महाधिवेशनले जबजलाई पारित गरेपछि पार्टीमा खनालको भूमिका पछाडि पर्‍यो । भण्डारीले मैनालीलाई जस्तो खनाललाई स्थायी कमिटीमा राखेनन् । दासढुंगा घटनापछि नेतृत्वमा आएका माधवकुमार नेपालले खनाललाई अगाडि आउने बाटो खोलिदिए । पोलिटब्युरो पुनर्गठन गरिँदा खनाल पनि त्यसको सदस्य भए । ०५१ मा एमालेको अल्पमत सरकार गठन भएपछि खनाल पार्टीको शक्तिशाली राज्यव्यवस्था विभाग प्रमुख भए । छैटौं र सातौं महाधिवेशनको शक्तिसंघर्ष खनाल अग्रभूमिकामा देखिएनन् । छैटौंमा नेपाल-ओली र वामदेव गौतमबीच संघर्ष उत्कर्षमा पुगेको थियो । पार्टी विभाजन र एकीकरणपछिको सातौं महाधिवेशनमा नेपाल र ओलीको संघर्ष स्थानीय तहसम्म झरेको थियो । तर खनाल कुनै पक्षमा ‘सक्रिय’ देखिएनन् । ०६१ माघ १९ को शाही ‘कू’ लगत्तै नेपाल र ओली पक्राउ परे । केन्द्रीय सदस्यहरूको भूमिगत बैठकले खनाललाई पहिले संयोजक र पछि कार्यवाहक महासचिवको जिम्मेवारी दियो । शाही सत्ताविरुद्धको आन्दोलन संगठित गर्न खनालले राम्रो भूमिका खेले । थुनामुक्त भएपछि नेपाल पुनः नेतृत्वमा आए । तर, संविधानसभा निर्वाचनमा तत्कालिन एमाले महासचिव माधवकुमार नेपाल दुई ठाउँबाट पराजित भएपछि खनाल महासचिव भएका थिए ।२०६६ सालको बुटवल महाधिवेशनमा बरिष्ठ नेता केपी शर्मा ओलीलाई हराउँदै खनाल अध्यक्षमा निर्वाचित भएका थिए । खनाल संविधानसभा निर्वाचनमा इलाम क्षेत्र नं. १ बाट संविधानसभा सदस्य चुनिएका हुन् । नेतृत्वमा आएपछि उनले पार्टीको मुख्य सिद्धान्त जबजमा संशोधन गर्न खोजेको र माओवादीप्रति नरम दृष्टिकोण राखेको आरोप लाग्यो । माओवादीप्रति देखाएको ‘सद्भाव’ प्रत्युपादक हुनसक्ने आम विश्लेषण गलत सावित गर्दै खनालले माओवादीप्रति कडा दृष्टिकोण राख्ने ओलीलाई पराजित गरे । नेपालको समेत समर्थन पाएका ओलीलाई पराजित गरेकाले पार्टीको शक्ति सन्तुलनमा खनालको पल्ला भारी भएको छ ।खनालले राजनीतिशास्त्र र इतिहासमा स्नातक गरेका छन् ।

प्रधानाध्यापको कारण एक महिनासम्म विधालय बन्द

ममता यादव ।इनरुवा मधेसा -सुनसरी) सुनसरीको मधेशा गाविस ४ स्थित रहेको जनहित प्राथमिक विधालयमा एक महिनादेखी तलावन्दी जारी रहदा सवा दुई सय विधार्थीको पढाई प्रभावीत भएको छ । शिक्षाको मन्दिरको रुपमा रहेको विधालयमा अनियमितता गरेको भन्दैं विधालयमा एक महिनादेखी तलावन्दी जारी रहदा सवा दुई सय विधार्थीको पढाई प्रभावीत भएको हो ।विधालयका प्रधानाध्यापको कारण एक महिना देखी विधालय बन्द भएको कारण पढाई प्रभावीत भएको स्थानीयहरुले वताएका छन् । मधेशा ४ घोपाली टोल स्थित रहेको जनहित प्राथमिक विधालयका प्रधानाध्यापक आशा कुमारी गुभाजुले ठुलोआर्थिक हिनामिना गरेकाले व्यस्थापन समितीका अध्यक्ष, सदस्यहरु र अभिभावकहरुले तालाबन्दी गरेको हो।सो बिधालयमा पुष७ गते देखी अहिले सम्म तालाबन्दी जारी रहेको कारण ती बिधालयमा अध्यनरत २ सय १५ बिधार्थीहरुले दैनिक रुपमा घरमा खेलेर समय बिताउन बाध्य भएको बिधालयका अध्यक्ष शान्तिराम घिमिरेले जानकारी दिनभयो । ती विधालयमा एकै परिवारका चार जना शिक्षकका रुपमा कार्य गरी आर्थिक हिनाहिना गरेको स्गाथनीयको आरोप छ ।हिनामिना रकममा दलित छात्रवृद्धि रकम, छात्राबृद्धि रकम, पुस्तक वितरण रकम, शिक्षीका उषा चौधरीको ८ महिनाको १५ हजार रुपैंया तलब, एक लाख ५० हजार शिक्षा कार्यलयको अनुदान रकम, १ लाख ५० हजार जिल्ला बिकास समितिको अनुदान रकम, १ लाख १३ हजार गाविसको सहयोग रकम लगायका आर्थिका हिनामिना गरेको विधालय व्यवस्थापन समितिका अध्यक्ष शान्तिराम घिमिरेले जानकारी दिनुभयो । अध्यक्ष घिमिरेले अभिभावकहरुको सहयोगमा जिल्ला शिक्षा कार्यालय सुनसरीमा जानकारी गराउदा समेत कुनै चासो नदिएको जानकारी दिनुभयो ।बिधालयमा प्रधानाध्यापक आशा कुमारी गुभाजुले आफनैं भाई शिक्षक पुर्णरक्तन गुवाजु, बहिनी उषा गुवाजु लगायतका आफनै परिवारका ४ जना व्यक्तिहरु राखेको समितिको भनाई छ ।आर्थिक करोवार सम्बन्धी प्र.अ . संग हिसाब मागदा प्र.अ. का आफन्तहरुले बिधालयका अध्यक्ष शन्तिराम घिमिरे,सदस्य मोहम्द उसमान माथी हातपात समेत गरेको पिडीतहरुले बताउनुभयो । आर्थिक करोबार गर्दा अफुसंग सोधपुछ नगरी अध्यक्षको किर्ते हस्ताक्षर गरी आर्थिक करोबार गरेको अध्यक्ष घिमिरेले बतौउनुभयो ।प्रधानाध्यापक वुभाजुले भने कुनै प्रतिकृया दिनुभएको छैन् ।यसैवीच विधालयमा अनियमित भएको विषयमा जिल्ला शिक्षा कार्यालय सुनसरीले खगेन्द्र दाहालको संयोजकत्वमा छानवीन समिति वनाएको र सो समितिको प्रतिवेदन समेत शिक्षा कार्यालयमा पुग्दा कुनै कार्वाही अगाडी नवढाएकाले स्थानीयहरु आक्रोसीत वनेको छ । समितिका सदस्य रतनलाल तौधरीका अनुसार विधालयमा अनियमिता भएको पाईएको छ तर आफुहरुले प्रतिवेन शिक्षालाई वुझाएकाले कुनै प्रतिकृया छैन् ।आईतवार पुनः शिक्षा कार्यालयलाई विधालयमा तलावनदी र अनियमितता तथा प्रतिवेदन सर्वाजनीकको माग गरीएको विधालय व्यवस्थापन समितिका सदस्य खलिल मियााले वताउनुभयो । विधालयको माइनोट समेतमा आफनो मनोमानी गरेको र खालीमा सहि गराई आफनै तरीकाले रकम माग गरी अनियमित गरको अध्यक्ष घिमिरेले वताउनुभयो । यता जिल्ला शिक्षा अधिकारी हरीप्रसाद वस्तीले वन्द भएको पुष्टि गरे पनि कुनै पहलभने गर्नुभएको छैन् ।

कोसी टप्पु वन्य जन्तु आरक्षमा आज वाट ४ दिने चरा महोत्सव सुरु हुर्दै

उमेशराज मेहता
सुनसरीमाघ १९,इनरुवा कोसी टप्पु वन्य जन्तु आरक्ष पश्चिम कुशाहामा आज वाट ४ दिने चरा महोत्सव सुरु हुदैछ । कोसी टप्पु वन्य जन्तु आरक्षको आसपास क्षेत्रमा रहेको तीन जिल्लामा लक्षीत गरि विभिन्न कार्यक्रम सगैं बुधबारवाट ४ दिने चरा महोत्सव सुरु हुदैछ । अन्तराष्टिय सिमसार दिवशको अवश्वरमा ४ दिने चरा महोत्सव गर्न लागेको हो । आफनो क्षेत्रमा रहेका तीन जिल्लाको विधालय , समिति र उपभोक्ता समितिहरुलाई विभिन्न कार्यक्रम गद ४ दिने चरा महोत्सव सुरु हुदैछ । नेपाल सरकारले सन् २०११ लाई पर्यटन वर्षको रुपमा मनाईरहेको सन्दर्भमा कोसी टप्पुमा चरा वर्षको रुपमा आज फेव्ररी २ देखी चरा महोत्सव सुरु गर्ने कोसी टप्पु वन्य जन्तु आरक्ष मध्यवर्ती क्षेत्र व्यवस्थापन समितिका अध्यक्ष विरेन्द्र यादवले जानकारी दिनुभयो । विश्व सिमसार तथा एघारौं चरा दिवशको अवसर पारी आरक्षले चरा महोत्शवको आयोजना गर्न लागेको आरक्षले जनाएको हो ।महोत्शवमा विभिन्न किसिमका कार्यक्रम गर्ने समेत यादवले वताउनुभयो । महोत्सवको अवलोकनका लागी आरक्षले आन्तरीक पर्यटकलाई प्रवेश निशुल्क दिने र वाहृय पर्यटकलाई भने आरक्षले महोत्सवको समयमा छुट दिने यादवले जानकारी दिनुभयो । आरक्षले आन्तरीक पर्यटकसंग २० रुपैयाा प्रवेश शुल्क लिदैं आएको छ तर यो वर्षलाई चराव वार्ष्ाको रुपमा मनाउने तयारी गरिएकाले चरा महोत्सवको अवलोकनका लागी आरक्षले आन्तरीक पर्यटकलाई प्रवेशमा कुनै शुल्क नलिने भएको हो । यादवका अनुसार आज सरसफाई तथा चरा अवलोकन , पुस्कार वितरण , फेव्ररी ३ मा सुनसरी र सप्तरीको विभिन्न स्थानमा साईकल रयाली तथा विधालयहरुमा हाजरी जवाफ प्रतियोता लगायतका कार्यक्रम गर्ने भएको छ । त्यसतै कोसीमा नाउा सयर गर्ने , विभिन्न जातजातीको झाकी प्रदर्शन , नाटक र चराको दृष्यावलोक लगायतको कार्यक्रम गर्दै फेव्ररी ४ मा महोत्सवको समापन हुने आरक्षका संरक्षण अधिकृत अशोक रामले जानकारी दिनुभयो । यसैवीच नेपालकै पलिो रामसार सुचीमा सुचीकृत कोसी टप्पु वन्य जन्तु आरक्षमा चराको प्रजाती वढरेको भएको पनि चराको संख्या भने घटदौ क्रममा रहेको आरक्षले जनाएको छ । चराको जाधानीको रुपमा चिनिएको कोसी टप्पुमा चराको प्रजाती वढेको भए संख्या घटेको कोसी टप्पु वन्य जन्तु आरक्ष पश्चिम कुशाहाले जनाएको छ । चराको व्यापक चोरी तस्करी र जलवायु परिर्वनका कारण आरक्षमा चराको संख्या घटेको आरक्षले जनाएको हो । सरकारले चराहरुको संरक्षणमा ध्यान नदिएकोकारण आरक्षमा चराको संख्या घटेको आरक्षका संरक्षण अधिकृत असोक रामले जनाकारी दिनुभयो । १ सय ७५ वर्ग किलो मिटर क्षेत्रफलमा फैलिएको आरक्षको विशेषताहरुमा विश्वकै दुर्लव अर्ना , गिद्ध र ४ सय ४६ प्रकारका चराहरुकोवासस्थान रहेको आरक्षमा केही वर्ष यता चराको संख्या घटेको आरक्षका संरक्षण अधिकृत असोक रामले जनाकारी दिनुभयो ।

एमाले अध्यक्षलाई थप्पड हान्नेविरुद्ध मुद्दा दायर

पिकअप समाचारदाता
इटहरी (सुनसरी), माघ ७ - सार्वजनिक कार्यक्रममा एमाले अध्यक्ष झलनाथ खनाललाई थप्पड हान्ने सुनसरी भरौल- ५ का देवीप्रसाद रेग्मीविरुद्ध सार्वजनिक अपराधको मुद्दा दायर गरिएको छ ।
एमाले जिल्ला कमिटी सुनसरीका कार्यालय सचिव गोविन्द कार्कीले रेग्मीविरुद्ध शुक्रबार सार्वजनिक अपराध ऐन अन्तर्गत मुद्दा दायर गरेका हुन् । कार्कीको जाहेरीका आधारमा प्रमुख जिल्ला अधिकारी रामप्रसाद थपलियाले रेग्मीलाई १५ दिन थुन्न आदेश दिएका छन् । उनलाई तारेखमा छाड्ने वा २८ हजार जरिवाना लिने अधिकार प्रजिअसँग छ ।
पार्टी कार्यक्रममा भाग लिन आएका एमाले अध्यक्ष खनाललाई एक पूर्व कार्यकर्ताले बिहीबार थप्पड हानेका थिए । खनाललाई थप्पड हान्ने ५२ वर्षिय रेग्मीलाई प्रहरीले तत्काल नियन्त्रणमा लिएर इलाका प्रहरी कार्यालय इटहरीमा राखेको छ ।
'नेताहरुले देश बर्बाद पारे, मर्नुभन्दा बहुलाउनु निको' भन्दै थप्पड हानेको उनले बताएका थिए । रेग्मीलाई माओवादी कार्यकर्ताले उकासेर थप्पड हान्न लगाएको एमालेले दाबी गरेको छ । 'आफ्ना धेरै कार्यकर्ता एमालेमा प्रवेश गरेपछि उनलाई माओवादी कार्यकर्ताले थप्पड हान्न लगाए,' एमाले जिल्ला कमिटी अध्यक्ष रेवतीरमण भण्डारीले दाबी गरेका छन् ।
प्रकाशित मिति: २०६७ माघ ७ ०३:२४

नुन देखि सुन सम्म तस्करी

पिकअप समाचारदाता

माघ ७ गते । भन्सार कार्यालय बिस्थापित हुँदा भारतिय खुल्ला सिमामा अहिले नुन देखि सुन सम्म तस्करी भईरहेको छ । छोटी भन्सार कायार्लय शिशुवा धरमपुर र घुस्की छोटी भन्सार कार्यालय घुस्की शसस्त्र जनयुद्धको क्रममा बिस्थापित हुँदा सो नाकाबाट अहिले दिनहुँ कडौडो मुल्य बराबरको सामान तस्करी हुने गरेको छ । सुनसरीको देवानगंज,घुस्की र बसन्तपुर नाका भई दिनहुँ कडौडो मुल्य बराबरको सामान नेपाल भित्रने गरेको स्थानियबासीहरुको भनाई रहेको छ । तस्करी प्रहरी कै मिलेमतोमा भईरहेको समेत तथ्य फेला परेको छ । स्रोतका अनुसार शसस्त्र प्रहरी बल घुस्की,बसन्तपुर र भुटाहाका ईनसपेकटर देखि डिएसपी सम्मलाई मासिक १५ हजार देखि १ लाख सम्म करिब २ दर्जनको हाराहारीमा तस्करहरु घुँस खुवाईरहेको पाईएको छ ।

वाल मैत्री नगर नभएको वालवालीकाको आरोप

जयकृष्ण यादव ईनरुवा,माघ, ७ गते । सुनसरीको सदरमुकाम इनरुवालाई वाल मैत्री नगर घोषणा गरिए पनि मापदण्ड पुरा नगरेको वालवालीकाहरुले आरोप लगाएका छन् ।केही वर्ष अगाडी नै इनरुवा नगरलाई वाल मैत्री नगर घोषणा गरिएको भए पनि मापदण्ड पुरा नगरेको वालवालीकाहरुले आरोप लगाएका हुन् । आईतवार इनरुवा नगर क्षेत्रका वालवालीकाहरुको भेलामा सहभागी भएकाहरुले यस्तो आरोप लगाएको हो । सरकारले वाल मैत्री भनिए पनि स्थानीय स्तरमा कार्यन्वयन नभएको वालवालिकाहरुको आरोप छ । यसैवीच इनरुवा नगर क्षेत्रका वालवालीकाहरुको भेलावाट इनरुवा नगर स्तरिया वाल अधिकार संजाल सुमीत्रा नेपालीको अध्यक्षतामा पुनर गठन भएको छ ।वालवालीकाको भेलावाट उपाध्यक्षमा प्रभु नारायण चौधरी , सचिवमा शुसान्त वस्नेत , सह सचिवमा सृजना वि।क। र कोषध्यक्षमा राजेश उरावा चयन भएका छन् । त्यसैगरी सदस्यहरुमा अमन चौधरी , सुमन शाह , केवल कटुवाल र मेलिना वि।क. चयन भएको संजालले जनाएको छ । वालवालीकाहरुले आफनो अधिकार र नगर क्षेत्रमा रहेका वालवालिकाहरुको सवालमा काम गर्ने इनरुवा नगर स्तरिया वाल अधिकार संजालका अध्यक्ष सुमीत्रा नेपालीले जानकारी दिनुभयो ।

एमाले अध्यक्ष खनालमाथि पूर्वकार्यकर्ताको हातपात

देश बिगार्ने नेतालाई नकुटेर के गर्नेः आरोपी रेग्मी यस्ता झिनामसिना कुरामा अल्झन हुन्नः अध्यक्ष खनाल
प्रवेज आलम
सुनसरी, ६ माघ
मञ्चवरिपरि ५० जना सुरक्षाकर्मी तैनाथ थिए, एमालेको युवा दस्ता युथफोर्सका पनि ५० भन्दा बढी स्वयंसेवक सतर्क थिए । एमाले अध्यक्ष झलनाथ खनालले नयाँ एमालेहरूलाई अबिर लगाइरहेका थिए, तर एकजना पुराना एमालेले अध्यक्षको गालामा झापड हाने ।
सुनसरी एमालेले बिहीबार इटहरीमा आयोजना गरेको कार्यक्रममा मञ्चको मुख्य भागमा एमालेका अध्यक्ष झलनाथ खनाल उत्साही थिए, उनले पार्टी प्रवेश गरेका कार्यकर्तालाई रातो टिका लगाएर स्वागत गरिरहेका थिए । मञ्चमा एमाले कोसी अञ्चल संयोजक राजेन्द्र गौतम, सचिव जीवन घिमिरे, सुनसरी अध्यक्ष रेवतीरमण भण्डारीलगायतका नेताहरू पनि प्रफुल्लित मुद्रामा थिए । कांग्रेस, माओवादी र राप्रपाबाट ताँतीका ताँती युवा एमालेमा प्रवेश गरिरहँदा सभामा तालीको गडगडाहटसहित हुटिङ भइरहेको थियो ।
एमाले प्रवेश गर्नेहरूको ताँतीमा टोपी र कोट लगाएर एक अधबैँसे पनि मञ्च पुगे । उनी अगाडि पर्नासाथ एमाले अध्यक्ष खनालले खुसी हुँदै हात मिलाए । अब पालो थियो टिका लगाउने । निधारमा रातो टिका लगाई दिन खोज्दा उनले खनालको हात झट्कारेर पन्छाइ दिए ।
एमाले प्रवेश गर्न भनेर लाइनमा आएका सहभागीले हात झट्कारिदिएपछि अध्यक्ष खनालले दुवै हात तल झारेका थिए । त्यही मौका छोपेर ती व्यक्तिले दाहिने हातले खनालको देब्रे गालामा थप्पड हाने । गालामा थप्पड पर्नसाथ खनाल झस्किएर पछाडि हटेका थिए । खनालको चस्मा पनि भुइँमा झरेको थियो । चस्माले खनालको नाकको दाहिने डाँडीमा रगत आउने गरी काटेको छ ।
सुरुमा त खनालको पछाडि उभिएका निजी सुरक्षागार्ड मानराज बाँनिया हेरेको हेरै भए । तर, खनालमाथि आक्रमण भएपछि उनले कुट्ने व्यक्तिलाई धकेल्दै मञ्चबाहिर निकाले । प्रमुख अतिथिमाथि नै हातपात भएपछि माहोल एकाएक तातिएको थियो ।
कार्यकर्ताको भीड कुट्ने व्यक्तितर्फ केन्दि्रत भएको थियो । तत्काल प्रहरीको नियन्त्रणमा रहेका उनलाई नवप्रवेशी तथा पुराना कार्यकर्ताले कुटपिट गर्न थालेपछि जोगाउन प्रहरीलाई हम्मे परेको थियो । त्यसवेलासम्म उनी को हुन् र किन त्यसरी अध्यक्ष खनाललाई थप्पड हानेका हुन्, सबै बेखबर नै थिए ।
प्रहरीको नियन्त्रणमा कार्यकर्ताको कुटाई खाइरहेकै वेला उनले पत्रकारहरूसँग भने, 'म सुनसरीको भरौल वडा नं १ निवासी देवीप्रसाद रेग्मी हुँ ।' थप्पड हान्नुभएको भन्ने प्रश्नमा उनले भने, 'देशलाई बर्बादीतर्फ लगेकाले नेताहरूलाई सचेत गराउन मैले थप्पड हानेको हुँ, देशमा बेरोजगारी बढेको छ । तर, यिनीहरूलाई चिन्ता छैन । यिनैले गर्दा देश यो परिस्थितिमा पुगेको छ । अनि यिनीहरूलाई नकुटे कसलाई कुट्ने त ?'
उनले आफूलाई कसैले पनि परिचालन नगरेको दाबी गरे । किन एमालेकै अध्यक्षलाई चाँहि हिर्काउनुभएको भनी पत्रकारहरूले प्रश्न गर्दा उनले भने, 'म एमालेकै पूर्वकार्यकर्ता हुँ, अहिले एमालेकै नेतृत्वमा सरकार छ, उसैको (एमालेको) अध्यक्षलाई नहिर्काए कसलाई हिर्काउने त ?'
आफू कुनै पार्टीको नेता तथा कार्यकर्ता नभई समान्य 'खेती किसानी' भएको उनले बताए । 'म पहिलेदेखि एमाले पार्टी समर्थक हुँ । तर, एमालेले यो देशमा यत्रो वर्ष राजनीति गरेर देशलाई तल धकेल्ने काम गर्‍यो,' उनले आरोप लगाए । दसवर्षे जनयुद्धबाट आएको माओवादीले पनि केही गरिहाल्छ की भनेर आफूले मतदान गरेको, तर माओवादीले पनि जनतालाई धोका दिएको आरोप उनले लगाए । नेताहरूको व्यवहारबाट आजित भएपछि उनीहरूलाई सचेत गराउन थप्पड हान्नुपरेको उनले बताए ।
भरौल गाविसका पूर्वगाविस उपाध्यक्ष योग्यराज खड्का अनुसार ४९ वर्षीय रेग्मी दुई छोराका बाबु हुन् । उनी राजनीतिमा भन्दा पनि खेती किसानी गर्ने समान्य किसान हुन् । उनले किन त्यसरी अध्यक्ष खनाललाई थप्पड हाने आफूले बुझ्न नसकेको उनको भनाइ छ । एमालेका तर्फबाट बनेको छानबिन कमिटीका सदस्य नन्द बस्नेतका अनुसार रेग्मी अलि सन्काहा प्रवृतिका व्यक्ति भएकाले कसैले उकासेको भरमा अध्यक्ष खनालमाथि थप्पड हानेका हुन् । एक माओवादी कार्यकर्ताको मोटरसाइकलमा पछाडि बसेर अध्यक्ष खनालको भाषण सुन्न भनेर इटहरी आएको पत्ता लागेको बस्नेतले बताए ।
दुव्र्यवहारपछि पनि अध्यक्ष खनालले कार्यक्रम रोकेनन् । उनले बाँकी नवप्रवेशी कार्यकर्तालाई टिका लगाई दिए, तर बडो सतर्कतापूर्वक । उनले करिब २० मिनेट भाषण पनि गरे । उनले भाषण अवधिमा दुव्र्यबहारको प्रसंगै उठाएनन् । बरू शान्ति, संविधान र नयाँ सरकारबारे मात्रै बोले । मन्तव्य सकिएलगत्तै मञ्चबाट ओर्लिएका उनले पत्रकारहरूसँग छोटो कुरा गर्दै 'यस्ता झिना मसिना' कुरामा आफू नअल्झने प्रतिक्रिया दिए ।
कार्यक्रमपछि कडा सुरक्षासाथ इटहरी नगरपालिकाअगाडिको होटल रोयलमा प्रवेश गरेका खनालले पाउरोटी र एक गिलास दुध खाएका थिए । होटलमा कुरा गर्न आग्रह गर्दा प्रहरी र कार्यकर्ताले पत्रकारलाई भित्र प्रवेशमा रोक लगाएका थिए ।
एमाले सुनसरीका अध्यक्ष रेवतीरमण भण्डारीले घटना दुःखद भएको बताए । यसमा कसैको षड्यन्त्र भएको उनले बताए । राज्यले २४ घन्टाभित्र छानबिन गरी सत्यतथ्य बाहिर ल्याउनुपर्ने उनले माग गरे । उनले रेग्मी माओवादी कार्यकर्ता भएको दाबी गर्दै घटना नियोजित भएको दाबी गरे ।
खनालमाथि हातपात भएको खबर फैलिएपछि पूर्वक्षेत्रका प्रहरी प्रमुख डिआइजी विनोद सिंह, एसएसपी मिङमार लामा, सुनसरीका प्रमुख जिल्ला अधिकारी रामप्रसाद थपलिया, सुनसरी प्रहरी प्रमुख भूपाल भण्डारीलगायतको टोली इटहरी आई घटनाका विषयमा जानकारी लिएको थियो । सो टोलीले अध्यक्ष खनाललाई होटल मितेरीमै भेटेर दुःख व्यक्त गरेको थियो । पूर्वक्षेत्रका प्रहरी प्रमुख सिंह र प्रमुख जिल्ला अधिकारी थपलियाले तत्काल छानबिन गरी दोषीमाथि कानुनबमोजिम कारबाही गरिने बताएका थिए ।
सुनसरीका प्रमुख जिल्ला अधिकारी थपलियाले घटना ज्यादै दुःखद् भएको प्रतिक्रिया दिए । 'मैले आरोपी रेग्मीसँग पनि कुराकानी गरेँ, केही दिनमै घटनाको विषयमा सत्यतथ्य बाहिर आउनेछ,' उनले भने । इलाका प्रहरी कार्यालय इटहरीका प्रहरी निरीक्षक श्यामल सुब्बाले सुरक्षामा कुनै पनि कमजोरी नगरेको दाबी गरे । उनले एमालेकै स्वयंसेवकका कारण यस्तो घटना भएको बताए । छानबिनपछि कारबाही प्रक्रिया अगाडि बढाउनेसमेत उनले बताए ।
खनालाई विदाई गरेपछि एमाले जिल्ला कमिटी सुनसरीको सचिवालयको बैठक बसेर पार्टीका सुनसरी उपाध्यक्ष मोतिराज सुनुवारको संयोजकत्वमा तीन सदस्यीय छानबिन समिति गठन भएको छ । समितिका सदस्यहरूमा केशव विष्ट र नन्द बस्नेत छन् । सो समितिले पाँच दिनभित्र घटनाको प्रतिवेदन सार्वजनिक गर्नेछ ।

कतारबाट नेपाल शव आउन १५ दिन

ईमितयाज अन्सारी
भुटाहा ।
६ महिना अगाडि बैदैशिक रोजगारको सिलसिलामा कतार पुगेका सुनसरीको रामनगर भुटाहा ७ का एक युवकको शव आज शुक्तवार नेपाल ल्याईएको छ । सुनसरी रामनगर भुटाहा ७ का ३० बषिर्य अरसद अन्सारीको पुस २४ गते कतार मै मृत्यु भएको थियो भने आज शव नेपाल ल्याईएको छ । अन्सारीको यता घरमा दुई श्रीमती र ७ सन्तान रहेका छन् । उनको आज मुस्लिम धर्मावलम्बी अनुसार भुटाहा ७ मा रहेको ठूलो क्रबिस्तानमा अनतिम संस्कार गरिने उनका छिमेकी खालिद अन्सारीले जानकारी गराएका छन् ।

बनात बनेपछि पढ्न पाए मुस्लिम छात्राहरु

दाउद अन्सारी
घुस्की ।
सुनसरी घुस्की ९ मा बनातको स्थापना भएपछि यहाँ बनचित मुस्लिम विद्याथीर्हरु पढ्ने अवसर पाएका छन् । गािवस घुस्की र स्थािनयबासीको सहयोगमा िनमाण भएको मदरसतुल बनात नामक िवद्यालयले त्यहाँका करिब एक सय िवद्याथीर् लाभान्िवत भएका हुन् । क्क्षा ३ देिख कक्षा ६ सम्म स्थापनाभएको सो िवद्यालयमा जम्मा ५ िशिक्ष्का कायर्रत रहेको प्रअ िफरोजा खातुन फलाहीले बताईन् ।

भारतीय रुपैयाको अवैध कालोबजारी

तबरेज आलम अन्सारी
सुनसरी ।
नेपालको खुल्ला सीमाक्षेत्रमा भारतीय रुपैयाको खुल्ला कालोबजारी हुनेगरेको तथ्य फेला परेको छ । नेपालको बीराटनगर, ईटहरी, ईनरुवा,राजबीराज,लहान,बीरगंज लगायत प्रमुख शहरहरु देखी िलएर खुल्ला सीमामा रहेक गावीसहरु रामनगर भुटाहा, घुस्की, देवानगंज, घुस्की,चीमडी लगायतका गावीसहरुमा अवेध भारतीय रुपैयाको कालोबजारी बढेको हो ।नेपालमा भारतीय ५०० र १००० को नोटमा राष्ट बैकले प्रतीबन्ध लगाए पनी भारतीय रुपौयाको बीगबीगी घटेको पाईदैन । भारतीय रुपैयाको कालो बजारी प्रशाशन कै अगाडी हुने गरेपनी स्थानीय प्रशाशन मौन देखीनुमा प्रशाशनको समेत मिलेमतो रहेको ठहर गनर् सकिन्छ । नेपालमा कालोबजारीको रुपमा १०० को १६० हुने ठाउँमा १६३ देखि १६६ रुपैयासम्म लीने छ तर त्यसको रोकथाम तफर् कुनै कदम चालेको पाईदैन । त्यही क्रममा सुनसरीको घुस्की गािवसमा प्रशाशन कै अगाडि भारतिय रुपैयाको अवैध कारोबार हुने गरेको स्थानीय बासी दाउद अन्सारीले जानकारी दिएको छ । अन्सारीका अनुसार घुस्की गािवसमा मात्र िदनहुँ १० लाख सम्म भारतिय रुपैयाको अवैध कारोबार भई रहेको छ । यसरी खुल्ला रुपमा भारतिय रुपैयाको कारोबार हुनुमा िदनहुँ यहाँका जनता ठगिन बाध्य भएक छन् । सुनसरीको गौतमपुरमा समेत एकजना भारतियले यसको ब्यापर गदैर् आईरहेको रहस्य सावर्जनिक भएको छ ।

सावधान ! असुरक्षित बन्दै छ राजधानी

बी.पी.साह–कामचलाउ सरकारका गृहमन्त्री कमाउ धन्दामा र प्रहरी अधिकृतहरु घुसको थैली बलियो बनाउँदै पार्टी नेता, विभिन्न दलबाट प्रतिनिधित्व गर्दै सरकारमा गएका मन्त्रीहरू तथा गृहमन्त्री सामु पुग्नुलाई कामको सफलता मान्दै मस्त रहेका बेला उपत्यकालगायत देशकै सुरक्षा व्यवस्था चौपट्ट भएको छ । भारत र चीनका विभिन्न नाका हुँदै काठमाण्डैमा हतियार भित्रिने क्रम तिव्र भएको छ । राजनीतिक संरक्षमा र टुलपाटको धन्धामा संग्लन ब्यक्तिहरुले हतियार भित्रयाउन थालेका प्रहरी श्रोतहरु नै बताउँ छ । केही दिन पहिले प्रहरीले सार्वजनिक गरेको एक प्रतिवेदनमा काठमाण्डौमा साना हतियारहरु बढदै गएको र पुराना थाति राखेको हतियारहरु पनि अव प्रयोगमा आउन थालेको देखाईको थियो । काठमाण्डौमा हतियार देखाएको लुटपाटको घटना तिव्र भएको छ । केही दिनअघि महानगरीय प्रहरी प्रभाग कमलपोखरीबाट डेढ सय मिटरको दूरीमा रहेको नर्सिङ होमनजिकै दिउँसो ३ बजे व्यापारी पवन सरिया लुटिएको एउटा उदाहरणमात्र रहेको हो ।
लुटेरा समूहले पेस्तोल तेस्र्याएर उनको साथमा रहेको ७० लाख रुपैयाँ लुटपाट गरेको प्रहरीले जनाएको छ । कमलपोखरी चोक राजधानीको अत्यन्त व्यस्त स्थानमध्येको एक हो । दिनभर संकलन भएको रकम घरमा एलसी खोल्ने उद्देश्यका साथ ल्याइएको र हिमाल नर्सिङ होमसंगैको थिरबम मल्ल सडकबाट उनी लुटिएको प्रहरीले जनाएको छ । व्यवसायी सरियाका अनुसार कामदार अभिजित शर्माले गणबहालबाट घरमा राख्न सो रकम ल्याएका थिए । व्यस्त सडक भएकाले उनी लुटिएको नजिकका व्यवसायीहरुले समेत पत्तो पाएनन् । सरिया मोटरसाइकलमा कमलपोखरीस्थित गोदाममा आएलगत्तै उनीमाथि आक्रमण भएको थियो । सुरुमा एक व्यक्तिले कुटेर झोला खोस्न लागेको अवस्थामा भित्रबाट एक महिलाले किन कुटेको भनेपछि लुटेरा समूहले सरियाको कन्चटमा पेस्तोल तेस्र्याएका थिए । लुटेरा समुहसूग सरियाले केही समय प्रतिवाद गरेपछि पेस्तोल देखाई लुटेर भागेको उनको गोदाममा कार्यरत एक कामदारले भने ।
त्यतिबेला हिमाल अस्पतालअगाडिको चोकमा कमलपोखरी प्रहरीको सीआरभी भ्यान पनि तैनाथ थियो । तर, प्रहरीले समेत कुनै वास्ता नगरेको प्रत्यक्षदर्शीले जनाए । पैसा लुटेर उनीहरु नक्साल भगवतीबहालतर्फ भागेको महानगरीय प्रहरी प्रभाग कमलपोखरीका प्रहरी निरीक्षक मिलन केसीले भने पनि प्रहरी भ्यान वेमतव रहनुका बारेमा केही भनेनन् । व्यवसायी सरिया सीएफएल चिम आयात, सिमेन्ट फयाक्टूीलगायतका व्यवसायमा संलग्न छन् । उनले महानगरीय प्रहरी परिसरमा हनुमानढोकामा पुगेर लुटिएको पैसा ७० लाख रहेको जनाए । तर, उनले जाहेरी भने दिएका छैनन् । उनले सो पैसा कहाँबाट आयो भनेर स्रोत पनि खुलाएका छैनन् । उनी चर्चित सुनव्यापारी लगोविन्द सरयिाका भतिजा हुन् । अवैधानिक तवरबाट लाखौं रकम ओसार पसार गर्ने काला बजारियाहरूसूग सम्बन्धित यस्ता कैंयौं घटना राजधानीमैं हुने गरेका छन् । सार्वजनिक स्थानमा लुटिएको उक्त रकमकाण्ड सर्वसाधारणको आँखामा नपरेको भए गुपचुपमै रहने विशलेषण गर्न सकिन्छ ।

नापी प्रमुख यादबको कमाल,सेवाग्राहीको छ बेहाल

इनरुवा– तपाईको जग्गा घटेको छ वा घटेको जग्गा बढाउनु छ ?छ भने चिन्ता नगर्नस जिल्ला नापी शाखा कार्यालय सुनसरीका नापी अधिकृत नेतृत्वको केही कर्मचारी सम्लित एक टोलीलाई सम्पर्क गर्दा हुन्छ ।सर्र्वसाधरण तथा राज्य भित्रको सम्पूर्ण जग्गा सबन्धी अभिलेख राखी सर्वसाधरणका निम्ती सेवा उपलब्ध गराईने उद्धेश्यले सरकारले स्थापित गरेको नापी शाखा सुनसरी भने अहिले सर्वसाधरणको जग्गा घटाउने र बढाउने अखडाको रुपमा परिणत भएको छ ।जिल्ला नापी शाखा कार्यालय सुनसरीले अभिलेख स्वरुप नक्सांकन गरेको जिल्ला भित्रका नक्साहरुमा सर्वसाधरणको जग्गा साललै पिछै घटने र बढने समस्या बाट लामो समय अघि देखी पिडित सेवाग्राही हरु थप पिडा पाउनबाट अहिले पनि जोगिन सकेका छैन । समाचार स्रोतका अनुसार जग्गा खरिद बिक्री प्रयोजनका लागी हुने गरेको किताकाट गर्दा नापी कार्यालय सुनसरीका नापी प्रमुख सत्रुघन यादब नेतृत्वको कर्मचारीहरुको टोलीले किताकाटदा घटाउने र बढाउने कार्यमा प्रत्यक्ष संगलन हुने गरेका छन । एक बर्ष अघि पल्टिन ब्यवसायीबाट जग्गा खरिद गरेका इटहरी ४ का हेमन्त कार्की एक सता अघि जग्गा बिक्रि गर्न आउदा उनले आफुले खरिद गरेको जग्गामा दुई धुर जग्गा कम पाए पछी नापी शाखा भित्रको चलखेलको पर्दाफास भएको हो । कार्कीले इटहरी १ स्थित किता नम्वर ११२ को १ कठा ४ धुर जग्गा ४३ लाखमा खरिद गरेको १ बर्ष पछी सोही वडाका धन कुमार रुमदालीलाई बिक्रि गरी जग्गा नामसारी प्रक्रियाका लागी जिल्ला नापी शाखा कार्यालय सुनसरी पुग्दा आफनो जग्गा नक्सामा २ धुर कम पाएका थिए । जग्गा कम भएको पाए पछी पिरोलिएका कार्की अन्तत आफनो जग्गा किने अनुसारको पुर्ती गर्न नापी कार्यालयका सो टोली समक्ष पुगी सो कार्यालयका नापी अधिकृत सत्रुधन यादबलाई १ लाख १० हजार नजरना दिई आफनो जग्गा पुर्ती गराउन बाध्य भएका थिए । सो्रतकान अनुसार नापी अधिकृत यादब नापी सर्भेक्षक लोक बहदुर कार्की लगायत अन्य कर्मचारी समिलित सो टोलीले सेवागा्रहीहरुको जग्गा किताकाट गर्दा यस अघि समेत दर्जनौ सर्व साधरण सग लाखौ रकम असुल गरि सकेका छन । सो टोलीले हाल ब्यापक मात्रामा बृद्धी भएको पलटिग ब्यवसायहरुबाट लाखौ रकम असुल उपर गरी इटहरी र आसपास क्षेत्रका ऐलानी जग्गा समेत ब्यक्तिको नापी अभिलेखमा नक्सांकन गरी ऐलानीसमेत मासेको सा्रेतले दावी गरेको छ ।आठ महिनाअघि सुनसरी नापी कार्यालय आएका अधिकृत यादबको प्रत्यक्षनिर्देशनमा घुसखोरी पष्टाएको भन्दै इनरुवाका स्थानीय युवाहरुले सुनसरीकाप्रजिअलाई जानकारी समेत गराउदा पनि हाल सम्म खुलेआम घुसखोरी नियन्त्रयण हुन सकेको छैन । नापी शाखा कार्यालय सुनसरीबाट पाउने समान्य सेवा समेत घुस बिना नहुने गुनासो हरु चर्चामा आई रहेकै बेला नापी प्रमुख द्धारा भएको जग्गा घटबढको क्रियाकलापले अन्य जग्गा धनीहरु समेत थाहै नपाई जग्गा घटेको समस्याबाट पीडित हुदै आएका छन् ।

सातजना सञ्चालक पक्राउ, स्रोह म्यानपावर शिल्ड

शेखर ढकालइटहरी ३ माघ ।अबैधरुपमा सञ्चालीत म्यानपावरबाट सर्वसाधारण ठगिएपछि इटहरीमा रहेका यस्ता म्यानपावरका सञ्चालकलाई नियन्त्रण लिएर कार्यालयमा तालाबन्दि गरिएको छ । नेपाल बैदेशिक रोजगार संघको नेतृत्वमा स्थानिय प्रशासन र पत्रकार सहितको अनुगमन टोलीले विना इजाजत म्यानपावर सञ्चालन गर्ने सात जनालाई नियन्त्रणमा लिएर प्रहरीमा बुझाएको छ । यस्तै टोलीले अवैध रुपमा सञ्चालनमा रहेका इटहरीका १६ वटा म्यानपावर कम्पनीमा तालाबन्दी समेत गरेको छ । अनुगमनका क्रममा इजाजत पत्र नपाइका म्यानपावरका शाखा सञ्चालकलाइृ नियन्त्रणमा लिएको र कार्यलयमा तालाबन्दी गरिएको संघका उपाध्यक्ष प्रेम रानाले बताउनु भयो ।इजाजत नलिइ शाखा सञ्चालन गर्ने प्यासिफिक ओभारसिजका एस् शर्मा, भेरी कर्णाली म्यानपावरका राम भट्टराइ, इक्वेडर इम्पोइमेन्ट सर्भिसेजका विरेन्द्र थापा, अल सन्डोष जव प्लेसमेन्टका विनोद मेहता, सदिक्षा ओभरसिजका तुलसी अर्याल र अरु दुइवटा म्यानपावर सञ्चालकलाई अनुगमन टोलीले नियन्त्रणमा लिएर प्रहरीलाई बुझाएको हो । सञ्चालकलाई नियन्त्रणमा लिएर कार्यलय समेत सिल्ड गरिएको नेपाल बैदेशिक रोजगार संघका सुनसरी अध्यक्ष हेमन्त सिटौलाले बताउनु भयो । यस्तै टोलीले इटहरीमा श्रम विभागको इजाजत विना सञ्चालनमा रहेका सिग्मा ओभरसिज, एस ओ एस म्यानपावर, लालधनुष ओभरसिज, जानकी जब प्लेसमेन्ट, युरो एसिया ओभरसिज, त्रिकोण म्यानपावर, सुनेरा नेपाल, जाकीम ओभरसिज, नविल ओभरसिजल लगायतका शाखामा समेत सिल्ड गरिएको छ । ती म्यान पावरका सञ्चालक फेला नपरेकाले कार्यलय मात्र सिल्ड गरिएको सिटौलाले जनाउनु भयो ।पटक पटक श्रम विभागको इजाजत ल्याएर कार्यलय सञ्चालन गर्न आग्रह गर्दा पनि इटहरीमा सञ्चालित अवैध म्यनपावर कम्पनीले नटेरेकाले संघले स्थानिय प्रशासनको सहयोगमा यस्ता म्यानपावरका सञ्चालकलाई नियन्त्रणमा लिएर कार्यलयमा तालाबन्दी गरेको बताउनु भयो ।तालाबन्दिसगै वैधानिक कागजपत्र लिएर संघमा सम्पर्क गर्न सुचना टाास गरिएको छ । अबैधानिक रुपमा सञ्चानमा रहेका म्यानपावरबाट विदेश जाने धेरै युवा युवती ठगीएका र गठीएकाहरुले न्याय समेत नपाएकाले अभियान थालेको संघले जनाएको छ ।तालाबान्दी गरिएका म्यानपावरबाट विदेश जानका लागि पासपोर्ट र पैसा बुझाएका सर्वसाधारणलाई भने संघले बुझेर पठाउन मिल्ने भए पठाउने नत्र पैसा फिर्ताका लागि पहल गर्ने संघका सुनसरी कोषाध्यक्ष किरण कार्कीले बताए ।पहिलो चरणमा इटहरीमा रहेका अवैध म्यानपावरलाई बैधानिक बनाउने काम सुरु गरिएको र दोस्रो चरणमा धरान र इनरुवामा रहेका अवैध म्यानपावरको समेत छानविन गरिने संघले जनाएको छ । अनुगमनटोलीसंग म्यानपावर पीडितहरुले गुनासो समेत राखेका थिए । प्यासिफिक ओभरसिजमा ९० हजार बुझाएर पनि लामो समयदेखि आफुलाई विदेश नपठाई झलाएर राखेको कतारका लागि पासपोर्ट बुझाएकी कौशिला चौधरीले बताइन् । आजै उडाउला भनेको धेरै भयो तर पनि अझै झुलाइ रहेको उनको भनाइ थियो ।म्यानपावर ब्यवसायीलाई ब्यवस्थित बनाउन संघले यो कार्य थालेको अध्यक्ष सिटौलाले बताए । 'बैधानिक म्यानपावरबाट जादा सर्वसाधारण पनि ठगिनबाट बच्ने हुनाले हामीले यो अभियान थालेका हौ,'सिटौलाले भने ।

यस्तो छ,सुजाताको राष्ट्र घाती कार्यहरु

बी।पी।साह–काठमाडौं – उपप्रधान तथा परराष्ट्रमन्त्री सुजाता कोइराला अन्तराष्ट्रिय तस्कर तथा आतंकवादी गिरोहसँग सम्बन्धित रहेको रहस्य न्यूज अप्रेशनले फेला पारेको छ । उनी लागूऔषधदेखि, हतियार, जाली पासपोर्टजस्ता अवैध धन्दामा क्रियाशील रहेको पाइएको छ । अहिले पनि जर्मन पतिलाई अपनाइरहेकी सुजाताले एभरेष् होटलमा आफ्ना पतिको लागि छुट्टै कोठा बुकिङ गरिरहेकी छिन् । बारम्बार नेपाल आउने गरेका उनका पतिका लागि छुट्याइएको होटलको खर्चसमेत सरकारी कोषबाट उनले दिने गरेकी छन् । मण्डिखाटारमा सुजातासितै बस्ने उनका कर्मचारी महेश कोइरालाका सामुन्ने केही वर्षअघि जर्मन नागरिकता जलाएकी सुजाताले विधिवत रुपमा नेपालको नागरिकता लिएकी छैनन् ।बलिष्ठ पुरुषद्वारा दैनिक मसाज गराउने उनले मसाज खर्चमात्र मासिक एक लाखभन्दा बढी गर्नेगरेको उनी आफैं बताउँछिन् । आफ्ना निकटका कार्यकर्ताहरुलाई दैनिक लाखौं रकम बाँड्ने उनले सरकारबाट मासिक तलवभने ३३ हजारमात्र पाउँछिन् । ३३ हजार रुपैयाँ त सुजाताका लागि ‘गार्डेन खर्च’मात्र हुने सुजाता निवासका कामदारहरू बताउँछन् ।
अर्कातर्फ उनको सम्बन्ध ज्वाईँ रुबेल चौधरीमार्फत् अण्डर वल्ड डन दाउद इब्राहिमसँग निकट रहेको बताइन्छ । उनकै निम्तोमा बेलाबेला नेपाल आउने दाउदका भाई नूरा इब्राहिमसित उनको अन्तर्राष्टिूय कारोबारसमेत रहेको थाहा भएको छ । काठमाडौंमा सुजाताले सुधीर भन्ने एक तस्करमार्फत कुलुश्वरमा हाउजिङ व्यवसाय गरिरहेकी छन् भने कलकत्ताका अहमद जद्मानी, ताइवान हुई चान र अफगानिस्तानका मलिकभन्ने एक व्यक्तिमार्फत लागूऔषध, गैंडाको खाग र साना हतियारहरुको कारोबारसमेत गरिरहेकी छन् । हाल थाइल्याण्डको कारागारमा बन्दी जीवन बिताइरहेका रुसी नागरिक तथा अन्तर्राष्टिूय हतियार तस्कर भिक्टर बाउटसँग पनि सुजाताको सम्बन्ध रहेको बताइन्छ । बाउटलाई भेट्ने नियतले बैंककलाई टूान्जिट प्वाइन्ट बनाएर सुजाता महिनामा दुई÷तीनपटक विदेश भ्रमणमा जाने गरेबाट पनि उनको बाउटसंग सम्बन्ध रहेको देखिन्छ । बाउटले रुबेल चौधरीलाई धेरै पटक अफ्रिकी मुलुकहरुमा घुमाउन लगेको तथा नेपालबाट रुबेलले बाउटको नक्कली नाममा पासपोर्ट बनाइदिएको गुगल सर्च इञ्जिनमा जस्ले पनि खोजेर हेर्न सक्छ ।
सुजाता निवासकै छेउमा लाम्ला भन्ने एकजना तिब्बती बस्छन् । पुरानो जर्मन कारमा हिँड्ने उनी हेदा अग्ला र कपाल फुलेका देखिन्छन् । उनको समूहमा बौद्धका उर्गेन नामक एक तिब्बती शरणार्थी पनि छन् । उर्गेन काठमाडौंस्थित चिनियाँ दुताबासका मुख्य एजेन्ट हुन् । उनलाई बौद्धमै चिनियाँले घर बनाइदिएका छन् । प्राप्त जानकारीअनुसार सुजाता, उर्गेन र लाम्ला यति घनिष्ट छन् कि कहिले काँही जाँडकै भरमा एउटै चकटीमा रातभर लम्पसार परेका हुन्छन् । विशेष स्रोतका अनुसार उर्गेनमार्फत सुजाताको शक्तिको प्रयोग गर्दै चिनियाँहरुले भारतीय नक्सलवादीलाई आर्थिक तथा भौतिक सहयोग गरिरहेका छन् ।केही महिनाअघि सुजातालाई भेट्न आएका युनाइटेड लिवरेशन फ्रन्ट अफ असम उल्फाका नेता त्रिभुवन विमानस्थलमा पक्राउ परेका थिए । अहिले उनी भारतीय जेलमा छन् । सुजाताले कार्यकर्तालाई कतिसम्म फूर्ति देखाउँछिन् भने भारतीय दुताबासका अधिकृत एके रोयलाई म जेभन्छु नयाँदिल्लीले त्यही मान्छ भन्नसमेत पछि पर्दिनन् । अर्को जानकारी अनुसार खाडी मुलुकमा रुबेलको राम्रो सम्बन्ध रहेको छ । ज्वाईंमार्फत सुजाताले नेपालबाट साउदी वायूसेवालाई अन्तर्राष्टिूय उडान अनुमति दिलाउन सफल भएकी हुन् । कुनै एक अन्तर्राष्टिूय वायूसेवालाई प्रभावमा लिनसके संसार हल्लाउन सकिन्छ भन्ने सपना देखेकी उनले अहिले नेपाल सरकारलाई नै हल्लाइरहेकी छन् ।

फ्रिज,टीभीदेखि लसुन, प्याजसम्म नेपालमा चाइनिज

फ्रिज,टीभीदेखि लसुन, प्याजसम्म नेपालमा चाइनिज–बिरेन्द्र केएमदेशमा भारतीय हस्तक्षेपको आरोपका सवालहरु उठिरहेका वेला अर्को छिमेकी राष्टू चीनको प्रभाव वढ्दै गएको छभन्दा सायद अनुपयुक्त नहोला । हुन त चाइनाले प्राविधिक क्षेत्रमा क्रान्ति गरेको कुरा पनि ध्रुव सत्य नै हो । यद्यपि नेपालमा खुल्ला रुपमा भित्रिने गरेको चाइनिज प्राविधिक इलेक्टूनिक सामाग्रीहरुको प्रवेशले राज्यको राजश्व व्यवस्थामा ठुलो घाटा पुगेको छ ।ठूला राष्टूहरु भारत र चीनका बीचमा पर्ने दुई राष्टूका उपलब्धीहरुको फाइदा बीचको राष्टू अर्थात नेपालले लिनु पनि स्वाभाविक हो तर यसको अर्थ यो होइन कि जे भित्राएपनि छुट नै हुनुपर्छ । कि त राष्टिूय स्तरमै दुई देशसंग सिमावर्ती क्षेत्रबाट आयात(निर्यात गर्ने कुनै विशेष किसिमवाट सम्झौता हुनुपर्दछ । हुन त भारतसंग नेपालको केही हदसम्म त्यस्तो खालको सम्झौता भएको पाइन्छ र भारत तथा नेपाल आवत(जावत गर्न दुवै देशको नागरिकलाई छुट समेत रहेको छ । भारतले उत्पादन गरेका कुनैपनि सामाग्री वस्तु नेपाल भित्राउनकर तिर्नुपर्दछ तर अन्य देशका अनुपातमा केही हदसम्म कम नै तिर्नुपर्ने व्यवस्था छ तर हाल आएर चाइनाले उत्पादन गर्ने गरेको खाद्यवस्तु देखि इलेक्टूोनिक्स सामाग्रीसम्मले नेपाली वजारमा कब्जा जमाएको छ । तर ति सामाग्रीहरु नेपाल भित्राएर वापत कुनै प्रकारको राजस्व भने नेपालले प्राप्त गर्न सकेको छैन । कुनैपनि सामाग्री सस्तो भन्दै नेपाली जनता आकर्षित भएका छन् । पछिल्लो पटक खासगरि इलेक्टूोनिक्स सामाग्रीले नेपाली वजारमा सवैभन्दा वढी स्थान पाएका छन् । अथवा भनौ नेपाली वजारमा जवजवा नै जमाएका छन् । हुन त सस्तोमा पाए अलकत्रा नै चपाउन सक्ने हामी नेपालीमाझ चाइनिज सस्तो सामाग्रीको रुपमा प्रस्तुत भएतापनि साँच्चै भन्ने हो भने नेपाली राजस्व निकायलाई भने ठूलो घाटा पुगेको छ र कुनै न कुनै रुपवाट हामी नेपालीलाई नै भविष्यमा असुविधा देखिने स्पष्ट छ ।नेपालमा अहिले महँगा महँगा इलेक्टूनिक्स सामाग्रीदेखि खाद्य सामाग्री लसुन, प्याज सम्म चानिज पाउन थालिएको छ । निकै सस्तोमा पाइने चाइनिज उत्पादित सामाग्रीवाट नेपाली सर्वसाधारण जनता लाभान्वित भएता पनि भोलि गएर नेपाली उत्पादन बजारलाई समेत अवरोध पु¥याउने स्पष्ट छ ।चीन उत्पादित सामाग्री नेपाल प्रवेश गरिनु हुँदैन भन्ने हाशय अवशय पनि होइन तर यसवारे त्यस्तो निति हुनु आवश्यक छ । दुवै देशवीच त्यस्तो किसिमको सम्झौता हुनु आवश्यक छ । नेपालले चीनको सहयोगमा नेपालनै चाइनिज सामाग्री उत्पादन गर्न सक्ने देखिन्छ । तर यसको उपयोग भने नेपाल सरकारले गरेको देखिदैन । भारतलगायत अन्य देशमा पनि विदेशी उत्पादित सामाग्रीहरु भित्रिन्छन् तर मेड इन इन्डिया आदि आदि भनि त्यस प्रकारले पनि यदि चिन नेपाली जनतालाई सस्तो सामाग्री दिई सेवा गर्न चाहान्छ भने उस्ले यही नेपालकै उत्पादन गर्न जरुरी छ । त्यसवाट नेपालमा रोजगारको समेत व्यवस्थामा टेवा पुग्ने छ र मेड इन नेपाल लेख्न पाइनेछ । विश्वमा नेपालको छवी पनि इलेक्टूनिक्स उत्पादन आदिमा उच्च हुनेछ । नोकिया, कोनका, सामसुङ आदिहरु पनि विभेशी वहुराष्टिूय कम्पनी हुन् तर मेड इन इन्डिया, जापान आदि लेख्छन् । किनकी ती कम्पनीहरुले ती देशहरुकै उत्पादन गर्ने गरेका छन् ।अन्ततः सरकारी उच्चतहवाट यस प्रकारको पहल हुु जरुरी छ । लुकीछिपी तातोपानी आदि नाकाबाट नेपाल भित्राउनुभन्दा सिधै नेपालमै उत्पादन गर्नु सायद चीनको हितमा पनि हुनेछ । तर यसको लागि नेपाली पहल आवश्यक देखिन्छ ।